Kostas Arvanitis një peshkatar me origjinë shqiptare ka humbur betejën me një sëmundje të rëndë dhe është ndarë sot nga jeta.
Arvanitis u bë shumë i njohur vitin e shkuar në Greqi, pasi shpëtoi më shumë 70 persona në Mati gjatë zjarreve masive që kapën këtë zonë.
Ditën kur zona e Mati në Greqinë qendrore u përfshi nga flakët, Arvanitis ishte në det me peshkarexhën e tij të vogël.
Atë datë ai duhet që të ishte në një festë për të festuar ditëlindjen e tij me gruan dhe familjen, por në vend që të festonte, Arvanitis nuk ngurroi asnjë minutë që të merrte varkën e tij të peshkimit dhe dhjetëra njerëz të bllokuar në brigjet e Matit dhe shumë të tjerë që ishin në ujë gjallë.
Bashkë me ndihmësin e tij egjiptian, Mahmout Messafer dhe gruan Chryssa, Kostas Arvanitis u shpallën si heronj dhe gëzonin një respekt të madh në mbarë Greqinë.
Ndarjen e tij nga jeta e komentoi edhe kryeministri i Greqisë, Kyriakos Mitsotakis, i cili shkruan: “Kostas Arvaniti ishte shembull i solidaritetit dhe ndarja e tij nga jeta na mbushi të gjithëve me trishtim. Varrimi i tij do të jetë shpenzim publik. Është një vepër e vogël mirënjohjeje nga të gjithë ne për trimërinë që tregoi natën e tragjedisë kur pa e menduar dy herë shpëtoi 70 persona.”
