LIGJET E BIZNESIT
Kryetari i Partisë Demokratike Lulzim Basha e ka nisur ditën sot duke hedhur akuza të forta në drejtim të kryebashkiakut të ri të Shkodrës Valdrin Pjetri.
Me anë të një video në Facebook, Basha e cilëson Pjetrin si trafikant droge dhe e krahason me ish-kryebashkiakun e Kavajës Elvis Roshi i cili vite më parë u akuzua për “Falsifikim të vulvae, stampave dhe formularëve” dhe për përdhunim në grup të një vajze italiane.
Kryedemokrati bën thirrje gjithashtu që Pjetri të merret urgjentisht i pandehur.
STATUSI I PLOTE I KRYETARIT TE PD LULZIM BASHA
Edi Rama është kërcënim dhe rrezik për jetën dhe sigurinë e çdo familje shqiptare! Ai ka uzurpuar të gjitha pushtetet me një bandë kriminelësh e hajdutësh që i duhen për të vjedhur Shqipërinë.
Valdrin Pjetri duhet të merret urgjentisht i pandehur sepse ka shkelur Ligjin e Dekriminalizimit duke fshehur të dhënat mbi të kaluarën e tij si trafikant droge. Por Edi Rama i ka dhënë urdhër prokurorisë së korruptuar që ta mbrojë nga ligji i dekriminalizimit.
Por sa kohë Edi Rama është në zyrën e kryeministrit, nuk do ketë as drejtësi dhe as demokraci, banditët, kriminelët dhe hajdutët do të sundojnë Shqipërinë.
Krimi dhe Edi Rama janë të pandashëm. Që të largojmë krimin duhet të largojmë Edi Ramën! Shporrja e Hajdutit Psiqik dhe bandës së tij është jetike për sigurinë dhe jetën e çdo familje shqiptare!
