Panik në Tiranë, përfshihet nga flakët një apartament te “21 dhjetori”

Mësohet se një apartament është përfshirë nga flakët pak minuta më parë në zonën e “21 dhjetori” në Tiranë.

Sipas të dhënave të para zjarri ka rënë në katin e tretë të një pallati në afërsi të fakultetit të Inxhinierisë së Ndërtimit.

Ende nuk dihet shkaku i zjarrit apo nëse ka të lënduar nga flakët, të cilat kanë  alarmuar banorët e pallatit.

Forcat zjarrëfikëse kanë mbërritur në vendngjarje dhe po punojnë për shuarjen e flakëve.