LIGJET E BIZNESIT
Ish-deputeti i Partisë Demokratike, Enkelejd Alibeaj është shprehur i bindur se Partia Demokratike do i fitonte zgjedhjet nëse ato do të mbaheshin sot.
Në një intervistë në News 24, Alibeaj tha se mazhoranca është në ditët e saj më të këqija.
Sipas tij PD bashkë me Opozitën është e vendosur që t’i shkojë deri në fund aksionit të saj për të risjellë demokracinë në vend që me Ramën në krye të vendin çdo ditë dhe më shumë është në rrezik zhdukje totale.
“Jemi të konsoliduar në këtë lloj pozicioni. Pozicion i deklamuar së paku në 16 shkurt. Sigurisht e kemi artikuluar këtë lloj pozicioni tonin jo si tekë, jo si një arsyetim i pajustifikuar jo logjik jashtë realitetit por se u tregua shumë kohë më parë, me 184, 339 dhe me 30 qershorin se në ka një problem që godet demokracinë sot është pikërisht qenia kryeministër e këtij njeriu. Për këtë arsye është fare minimale dhe proporcionale për të risjellë demokracinë, zgjedhjet e lira, të drejtën e publikut shqiptar të votojë i lirë. Minimumi i garancive kushtetuese të këtij vendi të fituara këtu e 30 vite më parë është gara e ndershme. Gara e ndershme është që asnjë nga palët të mos ketë avantazh joproporcional.
Mendoni në një garë me këtë kryeministër dhe 3 mld euro të drogës, me riimpulsim të krimit e me të gjithë të metat që ka treguar historikisht në këtë vend. Besoj që kërkesa jonë është minimale dhe e justifikueshme dhe është proporcionale. E para, e dyta me një qeveri tranzitore e cila të garantojë minimalisht jo vetëm barazinë mes palëve, por mbi të gjitha do duhet të garantojë qetësinë, sigurinë e njerëzve për të votuar të lirë. Dhe e treta, ne e filluam këtë aksion më 16 shkurt, kohë më parë në fakt por në 16 shkurt me djegien e mandateve, me bërjen e një seri protestash e sigurisht mos pjesëmarrjen në atë që nuk janë zgjedhje në fakt bazuar pikërisht tek ky qëndrim.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Më duhet ta them jo vetëm politikisht por edhe në aspektin njerëzor, sot ajo që i kërkohet më tepër opozitës jo vetëm opozitës, çfarë i kërkohet forcave do duhet t’i kundërvihen këtij regjimi autokratik e mafioz është qëndrimi me vendosmëri në pozicionet që ka pasur. A duam të rikthejmë edhe njëherë minimumin e demokracisë, bëhet në këtë mënyrë, jo si kërkesa e jona por si nevojë që ka shoqëria shqiptare. Elemente minimalë. Garë po kërkojmë, që njerëzit të votojnë të lirë”, deklaroi Alibeaj.
