Skandali seksual i Bill Clinton dhe Monica Lewinsky së shpejti në ekran

Historia e skandalit seksual dhe politik mes ish-presidentit Bill Clinton dhe Monica Lewinsky, ish-praktikantes në Shtëpinë e Bardhë, së shpejti do të bëhet serial.

Sezoni i rradhës i “American Crime Story” do të quhet “Impeachment” dhe sipas “E!News”, do të tregojë sagën e akuzave ndaj Clinton.

Sarah Paulson do të luajë rolin e Linda Tripp, e cila ndikoi fuqishëm në skandal, pasi nisi të përgjonte telefonatat e Monicas ku fliste për marrëdhënie intime me Presidentin, duke zbuluar të fshehtën e tyre.

Monica Lewinsky do të luhet nga Beanie Feldstein ndërsa vetë Monica do të jetë producente.

Pritet që seriali të nisë trasmetimin më 27 shtator të vitit 2020.

Skandali seksual mes Bill Clinton, asokohe 49 vjeç dhe Monica Lewinsky 22 vjeç, ndodhi mes viteve 1995-1997 dhe ishte një nga ngjarjet më të komentuara.