Ra edhe Kamza, Basha tregon ‘banditin’ që ndihmoi Rakip Sulin që të merrte bashkinë

Ka ardhur edhe reagimi i kreut të PD-së, Lulzim Basha, për atë që ndodhi sot në bashkinë e Kamzës. Basha dënon ashpër hyrjen me dhunë në këtë bashki të kryetarit të ri, Rakip Suli.

Sipas Bashës në këtë vepër që ai e cilëson kriminale, Suli u ndihmua edhe nga Sali Skura, të cilin kryedemokrati e quan një bandit.

Kjo që po ndodh këtë javë, sipas Bashës është një zhdukje e demokracisë dhe duhet larguar Rama me çdo kusht.

Postimi i Lulzim Bashës:

Hajduti Rakip Suli me ndihmën e banditit Sali Skura dhunuan dhe zaptuan sot me forcë selinë e Bashkisë Kamëz. Për dhunën hajdutërore të dy këta kriminelë do të përgjigjen shpejt para ligjit! Uroj për të mirën e tyre dhe të Hajdutit Psiqik, që ajo ditë të vijë më shpejt se dita e përballjes me zemërimin e popullit!

Rakip Suli ky hajdut i milonave të shqiptarëve me tendera dhe qira që i përfitoi kur ishte deputet në konflikt të pastër interesi, duhet të ishte ndjekur penalisht dhe dënuar. Sali Skura i dosjes 184 që ngrinte postblloqe për të ndaluar votuesit e opozitës duhet të ishte në burg.

Por sa kohë Edi Rama është në zyrën e kryeministrit, nuk do ketë as drejtësi dhe as demokraci, banditët, kriminelët dhe hajdutët do të sundojnë Shqipërinë.

Shporrja e Hajdutit Psiqik dhe bandës së tij është jetike për sigurinë dhe jetën e çdo familje shqiptare! #HajdutiPsiqik #RamaIk