Pak momente më parë është hapur me forcë dera e Bashkisë së Kamzës.
Mbështetësit e Partisë Socialiste kanë thyer xhamat dhe kanë hapur me kaçavidë derën e Bashkisë.
Më pas ata kanë hapur derën së bashku me Këshilltarët Bashkiakë dhe janë futur brenda ambienteve të Bashkisë.
Kryebashkiaku i ri që sapo ka bërë betimin, socialisti Rakip Suli ende nuk ka mbërritur në bashkinë e Kamzës.
Nga ana tjetër brenda ambienteve të Bashkisë janë dhe disa punonjës të administratës së Xhelal Mziut por ende nuk dihet nëse ky i fundit është në zyrë.
