Merrni masa urgjente, po vjen i nxehti përvëlues nga Afrika

Pas temperaturave të larta që shoqëruan verën e sivjetshme, mësohet se edhe në muajin gusht termometri do të shënojë shifra ekstreme.

I nxehti afrikan pritet të godasë Shqipërinë gjatë kësaj jave.

Temperaturat do të shkojnë deri në 44 gradë , ku dita e hënë , 12 gushti, do të jetë dita më e nxehtë.

Mjekët bëjnë apel për të treguar kujdes gjatë kësaj periudhe kryesisht për të moshuarit edhe fëmijët, të cilët nuk duhet të ekspozohen në asnjë mënyrë në diell gjatë periudhës së pikut.

Personat më të rrezikuar janë ata që kanë sëmundje kronike, problem kardiovaskulare, sëmundje renale, sëmundje të sistemit respirator.