Meta sulmoi ashpër opozitën, reagon Basha: Zgjidhja kalon nga politikanë me pranga në duar

Pas kritikave që presidenti Meta bëri paraditen e sotme për opozitën, duke u shprehur se janë entuziastë në mënyrë të kotë pasi po të regjistroheshin në zgjedhjet vendore të 30 qershorit nuk do merrnin as ¼ e 85 %, ka ardhur edhe reagimi i Bashës.

Basha ka nxjerrë në Facebook një video me deklarata të kryeministrit Edi Rama dhe shkruan se demokracinë dhe drejtësinë do ta clirojnë vetëm zgjedhjet e lira dhe të ndershme.

Pa përmendur emrin e Ilir Metës, lideri i opozitës shprehet se kriza kalon vetëm duke arrestuar disa politikanë që sipas tij janë të korruptuar.

“Ja si hajduti psiqik vodhi zgjedhjet me krimin e organizuar për të plaçkitur Shqipërinë me ta dhe me oligarkët grabitqarë! Vetëm zgjedhjet e lira dhe të ndershme me një qeveri tranzitore pa hajdutin psiqik, dhe ndëshkimi i politikanëve që vodhën zgjedhjet, do ta çlirojnë demokracinë dhe drejtësinë nga kjo bandë kriminale. Kësaj radhe zgjidhja e krizës kalon nga politikanë me pranga në duar!”, shkruan Basha.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern