Kryeministri Rama ka komentuar për herë të përë gjyqin në arbitrazh me biznesmenin Italian Franceso Beccheti, i cili pak ditë më parë u shpreh se ka fituar një kompensim prej 140 milionë euro, shifër e cila rrjedhimisht do të paguhet nga paratë e shqiptarëve.
Rama ka refuzuar ta komentojë këtë temë duke u justifikuar se arbitrazhi ka një klauzolë konfidencialiteti dhe se ai nuk mund të përgjigjej.
Ditën e sotme, në momentin më të pa pritur, ai ka marrë guximin ti përgjigjet një komentuesi në lidhje me këtë cështje të bujshme.
Ai shprehet se ky gjyq nuk ka mbaruar ende, ndryshe nga biznesmeni Becheti i cili tashmë është duke pritur paratë që të shkojnë në llogarinë e tij bankare.
Jo jo, s’harroj asgje une po kjo qe thua ti eshte muhabet pa lidhje dhe ai gjyq s’ka mbaruar, pavaresisht se sipas teje jane dhene edhe leket! Shendet vella e mesoje qe ai kuponi ka brenda parate e popullit e te shtetit, jo vetem fitimin e pronarit te rradhes“, shkruan Rama.
Nuk dihen arsyet përse Edi Rama ka bërë këtë koment, por duhet të themi se nuk ka patur aspak transparencë nga ana e qverisë lidhur me këtë proces dhe qytetarët ende nuk janë informuar nga institucionet, për shifrën e çmendur që qarkullon prej disa kohësh në media dhe konfirmimin e vetë Becchettit se ka fituar 140 milionë euro. Asnjë institucion nuk e ka komentuar apo përgënjeshtuar këtë deklaratë të Becchettit.
Kryeministri ende vijon ta mohojë këtë ngjarje, por nëse ajo në përfundim të procesit do të rezultojë e vërtetë siç deklaron Becchetti, shtetit shqiptar do t’i shkaktohet një dëm mjaft i madh. Në këtë rast, përpara drejtësisë duhet të dalin të gjithë ata zyrtarë të cilët mbyllën në mënyrë arbitrare Agron Channel, duke i sjellë një dëm marramendës financave publike.
