LIGJET E BIZNESIT
Lëvizte me pistoletë dhe tentoi ti shmangej policisë, arrestohet adoleshenti nga Tirana
Forcat e Komisariatit nr.4 në Tiranë dhe njësia “Shigjetat” kanë arrestuar sot një 16-vjecar pasi mbante një armë tip pistoletë dhe tentoi ti shmangej kontrollit të policisë.
Në njoftimin Drejtorisë Vendore të Policisë së Tiranës raportohen se shtetasit me iniciale F.T. iu gjet pistoletë me 9 fishekë dhe ia mbathi kur u ndesh me patrullën e Policisë. Ai u ndalua më pas në rrugën “Myslym Keta”.
Ai do të gjykohet për akuzën e “Prodhimit dhe mbajtjes pa leje të armeve luftarake e municionit”.
NJOFTIMI ZYRTAR I POLICISE
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Qarkullonte me armë pa leje, tenton t’i shmanget kontrollit të policisë por vihet në pranga.
Arrestohet nga shërbimet e Komisariatit të Policisë Nr 4 në bashkëpunim me Forcën e Posaçme ‘Shqiponja’, njësia Shigjetat
Në kuadër të planit masave në lidhje me identifikimin dhe kapjen e personave që qarkullojnë me armë pa leje, si rezultat i kontrolleve të shtuara dhe informacioneve të marra në rrugë operative është bërë kapja dhe arrestimi në flagrancë i 16 vjeçarit F. T., banues në Tiranë
16 vjeçari rreth orës 02.30 të mëngjesit, është konstatuar nga shërbimet e Policisë të Komisariatit të Policisë Nr.4 në afërsi të një lokali, në trotuar në rrugën ‘Myslym Keta’.
Në momentin që ka parë Policinë është larguar me vrap, por është kapur gjatë ndjekjes nga Forca e Posaçme “Shqiponjat”, njësia Shigjetat, ku gjatë kontrollit fizik Policia i gjeti dhe sekuestroi një armë zjarri Pistoletë me 9 fishekë .
Materialet i kaluan Prokurorisë se Rrethit Gjyqësore Tirane për veprën penale ‘Prodhimi dhe mbajtja pa leje e armeve luftarake e municionit’.
