Në lidhje me lajmin që u publikua në media se Ramazan Rraja, nipi i deputetit socialist Rrahman Rraja, njëkohësisht dhe djali i xhaxhait të Rexhep Rrajas, i cili u denoncua një vit më parë nga ish-e dashura Xhisiela Maloku, ka ardhur dhe reagimi I Policisë së Shtetit
Nëpërmjet një njoftimi zyrtar uniformat blu deklarojnë se 26-vjeçari Ramazan Rraj është shoqëruar në polici pas ngjarjes dhe është proceduar penalisht.
Po kështu policia njofton se është pezulluar dhe efektivja e cila ishte e pranishme në vendngjarje pasi nuk ndërhyri që të ndalonte dhunën.
NJOFTIMI ZYRTAR I POLICISE
Lidhur me videon e publikuar në mediat sociale, ku një i ri shfaqet me pamje duke dhunuar një femër në oborrin e spitalit “Nënë Tereza”, Tiranë, në interes të opinionit publik informojmë se:
Ngjarja në fjalë ka ndodhur në datë 31.07.2019, rreth orës 07:30 minuta.
Shërbimet policore kanë shoqëruar në Komisariat shtetasin R.Rr. 26 vjeç dhe e kanë proceduar penalisht. Materialet në ngarkim të këtij shtetasi janë referuar në Prokurori për veprime të mëtejshme.
Gjithashtu, Drejtoria e Standardeve Profesionale në Policinë e Shtetit, pas pezullimit nga detyra të punonjëses së Policisë që ishte pranë vendit të ngjarjes, ka nisur verifikimet për veprimet apo mos veprimet e saj.
