Pas skandalit në Pashaliman, Meta dekreton shkarkimin e gjeneralit të Forcave Detare

Shtatë muaj pas skandalit të vjedhjes së armëve në bazën ushtarake të Pashalimanit, presidenti Ilir Meta ka dekretuar shkarkimin e gjeneralit major të Forcave Detare Ylber Dogjani.

Ishte ministrja e mbrojtjes Olta Xhacka e cila kërkoi shkarkimin e Dogjanit.

Por dekretimi për shkarkimin e tij nga presidenti Meta vjen sot, në përfundim të mandatit të Dogjanit.

Dogjani është emëruar në këtë detyrë në vitin 2015.

DEKRET PËR SHKARKIM NGA DETYRA TË KOMANDANTIT TË FORCËS DETARE

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Në mbështetje të pikës 3, të nenit 169, nenit 93 të Kushtetutës, të nenit 9, pika 3, germa “c”, të ligjit nr. 64/2014, “Për pushtetet dhe autoritetet e drejtimit e të komandimit të Forcave të Armatosura të Republikës së Shqipërisë”, të ndryshuar, me propozim të Ministrit të Mbrojtjes,

Dekretoj

Neni 1

Gjeneral Major Ylber Selman Dogjani, shkarkohet nga detyra e Komandantit të Forcave Detare, për shkak të mbarimit të mandatit.

Neni 2

Ky dekret hyn në fuqi menjeherë.

Nr. i Dekretit 11245

Tiranë, më 31.07.2019