“Ka qenë i arrestuar” PD kërkesë urgjente Arta Markut: Të verifikohet figura e Valdrin Pjetrit

Partia Demokratike ditën e sotme i ka kërkuar Prokurores së Përgjithshme të Përkohshme Arta Marku të verifikojë urgjentisht figurën e kryebashkiakut të Shkodrës Valdrin Pjetri.

PD shkruan se Valdrin Pjetri ka qenë i arrestuar në vitin 2001-2002 në Itali.

Kërkesa është firmosur nga Sekretari I Përgjithshëm i Partisë Demokratike Gazmend Bardhi.

Bardhi shprehet se Pjetri nuk mund të ushtrojë asnjë fuksion publik për shkak të ligjit të dekriminalizimit në kushtet kur ekzistojnë të dhëna, indicie dhe dëshmi publike.

“Në vitin 2001-2002, Valdrin Pjetri ka qenë i arrestuar/ndaluar në Itali (ka jetuar në Firence, Itali) dhe, më pas, ndaj tij është marrë masa e dëbimit nga autoritetet përgjegjëse italiane. Nga verifikimi i të dhënave të sistemit TIMS rezulton se shtetasi Valdrin Pjetri nga periudha 2002 – 23.03.2010 nuk ka udhëtuar në asnjë rast të vetëm në drejtim të Italisë, çka përbën një indicie për saktësinë e të dhënave të bëra publike më parë.”-thuhet në letrën e Sekretarit të Përgjithshëm të PD.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern