Tërmetet nuk po lënë të qetë gjithë Greqinë veriore dhe atë qendrore në këto ditë.
Pas tërmeteve të djeshme në zonën e Janinës dhe Selanikut sot lëkundje të forta janë ndjerë edhe në kryeqytet, Athinë.
Epiqendra e dridhjes së sotme ka qenë 5 km në veri të Magoula ose 23 km në veri-perëndim të Athinës dhe thellësia e tërmetit ka qenë në 9.6 km. Nuk ka raportime për lëndime apo dëme.
Vlen të përmendim se në ditët e fundit tërmetet kanë qenë të shumta në disa zona të Greqisë, të cilët kanë rënë deri në 5.3 ballë, duke krijuar jo pak panik.
