U përdor për vrasje, ja çfarë u gjet brenda makinës së djegur në Fushë Krujë

Janë zbuluar të tjera detaje shumë domethënëse në lidhje me makinën e gjetur të djegur në rrugën që të çon për në Fushë Krujë. Policia e cila mbërriti menjëherë në vendin e ngjarjes, paraprakisht dyshon se kjo makinë është përdorur nga vrasësit e 40-vjeçarit, Feriz Bardhi sot në Durrës.

Dyshimet për këtë version janë shtuar edhe më shumë pasi në brendësi të mjetit të shkrumbuar është gjetur një armë tip pistoletë.

Mësohet se kjo armë është përdorur për të ekzekutuar Bardhin sot paradite në dalje të shtëpisë së tij.

Sakaq, më parë, policia gjeti një tjetër mjet të djegur në Porto Romano, e cila gjithashtu dyshohet se ishte përdorur për vrasjen që tronditi qytetin bregdetar. Dyshim mbetet një e kaluar e errët e viktimës, që me sa duket është edhe pista ku po heton policia.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern