Meta mbron Teatrin Kombëtar, nxjerr videon e Ramës: Ja si e konfirmonte këtë fakt kur ishte ministër (VIDEO)

Presidenti Ilir Meta pasi dërgoi në Gjykatën Kushtetuese ligjin kundër shembjes së godinës së Teatrit Kombëtar, është shprehur sot se i ka dërguar një letër Aleancës për Mbrojtjen e Teatrit ku konfirmon mbështetjen e tij të plotë.

Presidenti ka publikuar një video të vitit 2000 kur Edi Rama ishte ministër kulture në qeverinë që drejtonte asokohe vetë Meta.

“Dëgjoni ju lutem kryeministrin aktual, z.Rama se si e konfirmonte këtë fakt në vitin 2000, kur shërbente me devocion të jashtëzakonshëm si ministër Kulture, në qeverinë që unë drejtoja”- shkruan Meta, si konfirmim te qendrimit te tij koherent per kete ceshtje prej 20 vitesh.

STATUSI I PRESIDENTIT ILIR META

Të dashur miq!

Po ju njoh me faktin se dje i kam dërguar një letër Aleancës për Mbrojtjen e Teatrit Kombëtar, për të konfirmuar mbështetjen time në aplikimin e saj drejtuar organizatës prestigjoze “Europa Nostra” për mbrojtjen e kompleksit të Teatrit Kombëtar dhe Teatrit Kombëtar Eksperimental.

Po kështu të gjitha qëndrimet e mia në mbrojtje të trashëgimisë historike e kulturore të Tiranës, kanë qenë dhe janë në koherencë të plotë për këtë çështje prej 20 vitesh.

Dëgjoni ju lutem kryeministrin aktual, z.Rama se si e konfirmonte këtë fakt në vitin 2000, kur shërbente me devocion të jashtëzakonshëm si ministër Kulture, në qeverinë që unë drejtoja.