Duket se godina e Teatrit Kombëtar nuk do të jetë e vetme që do të shembet nga qeveria dhe bashkia e Tiranës.
Në fjalën e tij para këshillit Bashkiak Tiranë, Edi Rama paralajmëroi “rivitalizimin” e një tjetër godine identitare për vendin tonë.
Bëhet fjalë për atë ku sot është Teatri i Kukullave, por që është edhe ndërtesa e parë e parlamentit shqiptar.
Sipas Ramës ajo godine nuk duhet të jetë më në atë gjendje, por duhet të kthehet në një muze të parlamentarizmit, duke lënë të nënkuptuar se shumë shpejt do e ketë kjo ndërtesë radhën për tu shembur.
