Vendimi i Departamentit Amerikan të Shtetit për të shpallur non grata në SHBA Vangjush Dakon ka sjellë një seri reagimesh të forta në vendin tonë.
Sipas gazetarit të mirënjohur investigativ, Artan Hoxha ky akt i DASH është një mesazh për një goditje më të lartë.
Duke folur në në emisionin “45 minuta”, Hoxha ka kujtuar kohën kur u përfol për refuzimin e vizës amerikane për Dakon, i cili e justifikoi me mungesë dokumentacioni.
“Rasti Dako është përmendur edhe më herët kur i ka refuzuar vizën Ambasada Amerikane. Atij iu refuzua viza për disa probleme në dokumentacion. Kështu u justifikua ai. Por veprimi i fundit është një mesazh që vjen nga SHBA. Ata e kanë përzgjedhur Dakon për të çuar një mesazh shumë më lart se se ai, pasi Dako nuk është më kryetar Bashkie”, ka thënë Hoxha.
