Pas daljes së vendimit se kryebashkiaku aktual i Durrësit, Vangjush Dako nuk mund të udhëtojë në SHBA, ka ardhur edhe shpjegimi i vendimit nga Departamenti Amerikan i Shtetit.
Përmes një njoftimi në faqen zyrtare të tij, DASH, thotë se ky është një vendim i marrë nga Sekretari Amerikan i shtetit në bazë të disa evidencave se Vangjush Dako ishte i përfshirë në akte të mëdha korruptive.
“Sekretari i Shtetit ka pezulluar publikisht kryetarin e Bashkisë së Durrësit Vangjush Dako sipas Seksionit 7031 (c) të Departamentit Amerikan të Shtetit të për shkak të përfshirjes së tij në korrupsion të niveleve të larta. Seksioni 7031 (c) parashikon që, në rastet kur Sekretari i Shtetit ka informacion të besueshëm se zyrtarë të huaj kanë qenë të përfshirë në një korrupsion të konsiderueshëm ose një shkelje të madha të të drejtave të njeriut, ata individë dhe anëtarët e tyre të familjes së ngushtë nuk kanë të drejtë për të hyrë në Shtetet e Bashkuara.
Ligji gjithashtu kërkon që Sekretari i Shtetit të deklarojë një gjë të tillë publikisht ose privatisht për këta zyrtarë dhe familjarët e tyre. Përveç ndalimit të Z. Dako, Departamenti po ashtu ndalon publikisht bashkëshorten e Z. Dako, Alba Dako, djalin e tij, Xhulio Dako dhe vajzën e tij, Kejsi Dako.
Aksioni i sotëm dërgon një sinjal të fortë se Shtetet e Bashkuara janë të përkushtuara për të luftuar korrupsionin në të gjithë botën.”
