Pse iu hoq viza Vangjush Dakos? DASH jep motivacionin

Departamenti Amerikan i Shtetit duke iu përgjigjur interesit të A2 CNN konfirmon përfshirjen e Vangjush Dakos në listën e zezë.

Për reporteren Elona Gjylmi, DASH thekson se ka informacion të besueshëm se zoti Dako ka qenë i përfshirë në korrupsion gjatë mandatit të tij si kryetar i Bashkisë së Durrësit.

“Kur Sekretari i Shtetit ka informacione të besueshme se një zyrtar i huaj është përfshirë në raste madhore korrupsioni, ose shkelje të të drejtave të njeriut, atij dhe familjes së tij të ngushtë i ndalohet hyrja në Amerikë. Ligji po ashtu i jep të drejtë Sekretarit të Shtetit që vendimin ta bëjë publik, ose t’ia bëjë atë privatisht zyrtarit në fjalë.”

I pari që u përfshi në listën publike të ndalimit ishte zoti Llalla, e më pas Tom Doshi në vitin 2018.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern