Nesër do të jetë radha e bashkisë Kavajë që të bëjë rotacionin në pushtetin lokal. Në këtë bashki që në dy vitet e fundit u drejtua nga PD do të futet në zyrë i zgjedhuri socialist Redjan Krali.
Ky i fundit fitoi pa kundërshtarë në 30 qershor dhe pasi të konstituohet Këshilli Bashkiak do të marrë drejtimin e kësaj bashkie shumë të rëndësishme.
Redjan Krali, përndryshe është edhe nipi i ish-kryeministrit dhe ish-kreut të PS-së, Fatos Nano.
Por Sali Berisha në një postim në facebook ka paralajmëruar një protestë të fuqishme para bashkisë së Kavajës për të mos lejuar socialistin që të futen në zyrën e bashkisë së Kavajës.
