Dikur aktor komik, sot Erion Isai betohet si kryebashkiak i Kolonjës

Për publikun shqiptar ai u bë i dashur për herë të parë me personazhin e gazetarit të Tv Ersekës që jepte lajmet.

Por vitet ikën shpejt dhe Erion Isai nga një aktor humori i suksesshëm është katapultuar në politikë si kryebashkiak pikërisht i Kolonjës, vendit nga ai erdhi që e bëri të famshëm për herë të parë.

Nga sot Erion Isai merr zyrtarisht detyrën si kryebashkiak i Kolonjës. Pas betimit, përmes një postimi në rrjetet sociale, Isai u shpreh se privilegji i kësaj detyre nis me thirrje e krenarisë së të qenit kolonjar.

“Privilegji i detyrës, me thirrjen e krenarisë e të qenit Kolonjar! Faleminderit!”, shkruan Isai.

Në ceremoninë e marrjes së kësaj detyre për Erion Isain, e pranishme  ishte edhe ministrja e Shtetit për Marrëdhëniet me Parlamentin, njëkohësisht zëdhënëse qeverisë, Elisa Spiropali, e cila njihet si një nga promotorët më të mëdha të Isait në politikë.