LIGJET E BIZNESIT
Ambasadori i Bashkimit Europian në Tiranë, Luigi Soreca është përgjigjur sot interesit të medias në lidhje me debatin për Teatrin Kombëtar ku nga njëra anë ka protesta nga artistët dhe qytetarët për të mbrojtur godinën nga shembja dhe nga ana tjetër qeveria ka marrë vendim për ta shembur dhe të ndërtojnë teatrin e ri.
“Kjo cështje është shumë e rëndësishme, pjesë e një debati intensiv që po bëhet në shoqërinë shqiptare që janë përfshirë shumë ndjesi, ndjenja, dhe është një cështje delikate por edhe e politizuar. Nuk na takon ne që të themi duhet të ketë një ndërtesë të re apo rinovim të ndërtesës së vjetër, këtë e thanë autoritetet shqiptare. Pozicioni ka qenë mjaft i qartë që nga shtatori i vitit të shkuar”- ka thënë ai.
Sipas tij, ligji dhe sundimi i shtetit ligjor është parimi që duhet të udheheqë autoritetet shqiptare.
“Është lançuar tender, janë kritere të qartë dhe transparente për këtë projekt dhe po ashtu të ketë një qasje të drejtë dhe të ndershme në lidhje me këtë cështje. Mendoj që kjo është një cështje e cila vazhdon të ketë debat të madh në Shqipëri. Për ne, siç e thashë, është e rëndësishme të respektohet sundimi i ligjit. Procedurat e tenderit të jenë në përputhje me ato të BE, tenderi është i hapur deri në shtator, e rëndësishme është çështja e konkurrencë së lirë dhe të drejtë dhe ai të jetë i hapur deri në 19 shtator”- u shpreh Soreca.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
