E rëndë në Durrës, dy pushues humbasin jetën në plazh

Dy pushues kanë humbur jetën ditën e sotme në plazhin e Durrësit.

Njëra prej tyre është një 50-vjeçare, e cila nuk është ndjerë mirë sapo ka hyrë në det.

Ajo është nxjerrë nga pushuesit dhe është transportuar për në spital, pa mundur të mbijetojë.

Ndërsa viktima tjetër është një 33-vjeçari cili është mbytur në moment që po bënte xhuiro me motorr deti në Gjirin e Lalzit.

NJOFTIMI ZYRTAR I POLICISE

Durrës/Informacion Paraprak

Më datë 28.07.2019,rreth orës 13:40, në lagjen nr.13,Durrës, shtetasja N.T., rreth 50 vjeçe, banues në Tiranë, është futur në det dhe nuk është ndjerë mirë, ajo është nxjerrë nga pushuesit dhe është transportuar në Spitalin Rajonal Durrës, ku ka ndërruar jetë, dyshohet për shkak të problemeve shëndetësore ( vuante nga zemra). Grupi Hetimor po punon për zbardhjen e plotë të ngjarjes.

Ndërkohë, po ditën e sotme, Policia e Durrësit raporton se ka mbetur viktimë edhe një 33-vjeçar, i cili ka qenë duke bërë xhiro në det me motor uji, kur është rrëzuar dhe është mbytur.

Durrës/Informacion Paraprak

Më datë 28.07.2019,rreth orës 13:50, në Gjirin e Lalëzit, Durrës, shtetasi B.M., rreth 33 vjeç, banues në Tiranë, duke bërë xhiro në det me motorr ujë është rrëzuar dhe është mbytur, ai u transportua në Spitalin Rajonal Durrës, ku ka ndërruar jetë.
Grupi Hetimor po punon për zbardhjen e plotë të ngjarjes.