Edhe këtë të dielë presidenti Meta ka vijuar të reagojë në lidhje me situatën politikë në të cilën ndodhet vendi.
Ai ka publikuar pak minuta më parë një foto në rrjetet sociale, ku shfaqet në një bahce dhe në dorë ka kapur një domate jeshile ende të papjekur.
“Përshëndetje miq! Domatet duan ende kohë për tu pjekur. Do durojmë dhe ca!”
Me anë të këtij mesazhi të koduar Meta me siguri i referohet situatës politike për të cilën ende nuk është gjetur një zgjidhje, e me sa duket sipas kreut të shtetit nuk ka ardhur ende koha.
