Moderatorja e njohur Brunilda Lahe, ka njoftuar se nuk do të jetë më drejtuesja e programit “My Living” në Vizion Plus dhe Tring.
Lajmin e ka bërë të ditur vetë Lahe me anë të një njoftimi në Instagram ku shkruan se ka qenë programi që ajo e ka bërë me më shumë përkushtim për katër vite me rradhë.
Arsyeja e vecantë për të cilën ajo ka njoftuar se do të largohet është se ndodhet në pritje të një bebushi, në pritjen më të ëmbël për një nënë.
“Arsyen përse nuk do të jem sezonin që pason në moderimin e @mylivingtringofficial do doja ta ndaja së pari me shikuesin e programit që e dua shumë dhe jam përkushtuar pa rezerva. Për 4 vjet me ‘My Living’ kam takuar njerëz të mrekullueshëm, të cilët më kanë mësuar shumë. Kam takuar njerëz të thjeshtë, por që u bënë personazhe të njohur falë stilit apo talentit që kishin. Takimet me ta më kanë pasuruar. Këtë vit Living mbaroi dhe në sezonin e ardhshëm do të ketë ndryshime. Unë do takoj dikë tjetër që do më mësojë edhe më shumë. Do të takoj një krijesë të mrekullueshme, e cila do më lumturojë në jetën time. Takimi me të është gjëja më e jashtëzakonshme që po më ndodh! Është bebja që pas disa muajsh do ta sjell në jetë. Ju uroj të gjithëve lumturi dhe pushime të gëzuara! Mirë u takofshim”, shprehet ajo duke mbajtur lotët.
