“Do ju hedh të gjithë në erë me bomba”, policia ndalon 36-vjeçarin që kërcënonte familjen e tij

Pas njoftimit të marrë se një 36-vjeçar kërcënonte me jetë gruan e tij, Policia e Elbasanit ka parandaluar një krim në familje. Shtetasi me inicialet F.M i kërcënonte familjarët se do i hidhte në erë me granata.

Ngjarja mësohet të ketë ndodhur në fshatin Bizhutë e Poshtme, ndërsa në pranga ka rënë 36-vjeçari me iniciale F.M. Policia ka sekuestruar 27 granata, të cilat i kishte të fshehura në shtëpinë e tij.

Njoftimi i Policisë

Specialistët për Hetimin e Krimit në Komisariatin e Policisë Elbasan, kanë bërë arrestimin në flagrancë të shtetasit: F.M., 36 vjeç, banues në Elbasan.

Policia e Elbasanit ka marrë  njoftim se ky shtetas kërcënonte me jetë bashkëshorten dhe familjarët e saj, se do t’i vriste me granata të cilat i kishte të fshehura në shtëpinë që kishte në fshatin Bizhutë e Poshtme.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Policia ka vlerësuar menjëherë  informacionin dhe falë reagimit në kohë u bë e mundur gjetja dhe sekuestrimi i 27 copë granatave difensive dhe ofensive.

Materialet hetimore i kaluan Prokurorisë pranë Gjykatës së Shkallës Parë Elbasan, për veprat penale “Prodhimi dhe mbajtja pa leje i armëve luftarake, armëve shpërthyese dhe i municionit” dhe “Dhuna në familje”.