LIGJET E BIZNESIT
Pas një ftohje 2-vjeçare, kryeministri Rama duket se ka filluar të rikuperojë marrëdhëniet me Turqinë dhe më saktësisht, me liderin e saj, Rexhep Taip Erdogan.
Në vijim të kësaj linje, pas takimin në shtëpinë e pushimit të presidentit turk, Rama ka pritur dje në takim ministrin e punëve të brendshme të Turqisë Sylejman Sojlu, që po zhvillon një vizitë zyrtare në Shqipëri.
Sipas Agjencisë turke të lajmeve Anadolli, takimi me kryeministrin ka qenë i pari i axhendës së ministrit turk e në vendin tonë. Nuk ka shumë detaje për temat e diskutuara në këtë takim, por me shumë siguri në një bashkëbisedim me dyer të mbyllura për mediat pika kryesore e diskutimit besohet të ketë qenë Fetulla Gylen, dhe ajo që turqit e quajnë, luftës kundër krimit të organizuar dhe çështjeve të migracionit që sipas tyre sponsorizohen nga Organizata Terroriste FETO.
Agjensia turke e lajmeve informon edhe për takimin e ministrit turk me homologun shqiptar Sandër Lleshaj, ku tema e diskutimit ka qenë e njëjta.
Pra mesa po kuptohet Rama në takimin me Erdoganin para pak ditësh, duket se ka rënë dakord që ta vazhdojë luftën ndaj Gulen që është armiku më i madh i presidentit turk për momentin.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
