LIGJET E BIZNESIT
Kolegji i Posacëm i Apelimit ka dhënë vendimin për kreun e Gjykatës së Lartë, Xhezair Zaganjori, duke e shkarkuar atë nga detyra, dhe duke e përjashtuar të paktën për 15 vite nga sistemi i drejtësisë.
Xhezair Zaganjori e kishte kaluar shkallën e parë të vettingut, por Komisioneri Publik e ankimoi këtë vendim në shkallën e dytë atë të KPA, pasi kishte pasaktësi në deklarimin e pasurisë.
Komisioneri Publik ka konstatuar se KPK është mbështetur në disa interpretime jo të sakta dhe nuk ndan të njëjtin qëndrim. Rezulton se Zaganjori ka në bashkëpronësi 4 pasuri, apartament 296 m2 në bashkëpronësi me bashkëshorten, një bodrum 264 m2, një bibliotekë dhe dyqan 281 m2 dhe zyrë 57 m2.
Po sipas Komisionerit Publik, për këto pasuri, në vitin 2003, krahasuar me deklaratën e bërë në vetting, ka pasaktësi në vlerën e pasurive dhe burimin e të ardhurave për krijimin e tyre. Deklarimi është i pamjaftueshëm, i pasaktë dhe nuk i justifikon ato në burime të ligjshme.
Zaganjori nuk ishte i pranishëm në seancë në momentin e dhënies së vendimit.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Procesi i vetingut për kreun e Gjykatës së Lartë u shqyrtua në Kolegj nga trupa e kryesuar nga Albana Shtylla, me relatore Rezarta Schuetz dhe anëtarë Luan Daci, Natasha Mulaj dhe Sokol Çomo.
