Kur 30 qershori kaloi pa probleme dhe incidente, nga Partia Demokratike u trumbetua me të madhe që nuk do të njihen këto zgjedhje dhe se bashkitë e djathta nuk do i dorëzojnë zyrat.
Edhe pse nga ky qëndrim ka pasur një zbutje të vogël kohët e fundit, sërish Basha dhe disa kryebashkiak të djathtë kanë vijuar t’i qëndrojnë këtij mendimi.
Mirëpo nesër do të jetë prova e parë për këtë ide të PD dhe pikërisht në një bastion të djathtë, si bashkia e Devollit.
Pasi mori mandatin nga Gjykata e Korçës, Eduard Duro nesër duhet të marrë detyrën e kryetarit të ri të bashkisë në skajin juglindor të vendit. Por a do e lejojë kryetari aktual i djathtë, Bledjon Nallbati?
Ky i fundit nuk ka folur për mediet ende, por nga nesër do të mësohet nëse diskursi i muajit korrik nga PD ka qenë thjesht një retorikë politike, apo vërtetë do të kemi përplasje.
