Për mrekulli i është shpëtuar jeta një djali 21 vjeç nga qyteti i Lushnjes.
Policia, roja i kullës dhe disa pushues kanë shpëtuar 21-vjeçarit me iniciale F. M, nga Grabjan i Lushnjes.
Mësohet se i riu e rrezikoi jetën, teka kishte hyrë për t’u larë, por falë ndërhyrjes së shpejtë, fatmirësisht është shpëtuar.
Ai aktualisht ndodhet në spitalin e Lushnjës, jashtë rrezikut për jetën nën mbikëqyrjen e mjekëve.
Njoftimi i policisë:
Policia, roja i kullës dhe disa pushues, shpëtojnë një djalë nga mbytja në det.
Efektivët e Komisariatit të Policisë Divjakë, të cilët patrullojnë përgjatë vijës bregdetare të plazhit, në bashkëpunim me rojën e kullës të stacionuar në bregdet dhe disa pushues të tjerë që ndodheshin aty, kanë shpëtuar nga mbytja pasditen e sotme, një djalë 21 vjeç me iniciale F. M, nga Grabjani.
Shtetasi F. M aktualisht ndodhet në spitalin e Lushnjës, jashtë rrezikut për jetën nën mbikëqyrjen e mjekëve.
