Me duart në fyt, ja si u përleshën artistët e Teatrit Kombëtar me policinë (FOTO)

Protesta kundër shembjes së godinës së Teatrit Kombëtar është shoqëruar gjatë gjithë ditës së sotme me përleshje mes artistëve dhe qytetarëve me Policinë e Shtetit.

Dhjetëra policë kanë rrethuar godinën për ti hapur rrugën projektit të qeverisë që do të ndërtojë kulla pikërisht në atë zonë.

Fotot e mëposhtme tregojnë qartë përplasjen mes artistëve dhe qytetarëve paraditen e sotme në momentin kur këta të fundit me forcë e duke thyer kordonin e policisë janë futur brenda në teatër.

Ndërkaq është marrë vendimi i ri nga mbledhja e zhvilluar mes aktorëve, të cilët kanë vendosur të qëndrojnë aty 24 orë të ndarë me turne.