Një gomone ka pësuar defekt mbrëmjen e djeshme në Vlorë.
Gomonia “Stuhia” pësoi defekt gjatë kohës që lundronte në mes të detit.
Dy persona që ndodheshin në bord janë shpëtuar nga një operacion i ndërmarrë nga Policia dhe Roja bregdetare.
Për fat të mirë të dy personave që ndodheshin në gomone, deti mbrëmë nuk ka qenë i trazuar.
Të shpëtuarit kanë deklaruar se nuk kanë ndjerë rrezik të madh në det, por mjeti me të cilin ata udhëtonin ka pësuar defekt. Ata janë përpjekur ta riparojnë. Kur nuk ia kanë dalë dot që ta riparojnë, kanë kërkuar ndihmë.
Policia ka marre ne pyetje dy shtetasit ne bord dhe po heton per perdorimin e gomones dhe per dokumentacionin e saj.
