Ditën e sotme kryeministri i Kosovës Ramush Haradinaj pritet të dorëzojë formalisht dorëheqjen te presidenti Hashim Thaçi.
Të premten Haradinaj njoftoi se kishte dhënë dorëheqjen nga posti i kryeministrit dhe bëri të ditur se letrën për këtë dorëheqje do ta dorëzonte ditën e hënë.
Shkak për dorëheqjen e Haradinajt si kreu i qeverisë së Kosovës u bë një thirrje nga Gjykata Speciale për të cilën Haradinaj tha se do të paraqitet si qytetar i thjeshtë dhe jo si kryeministër.
Edhe në vitin 2004, Ramush Haradinaj dha dorëheqjen si kryeministër pasi u thirr nga Gjykata e Hagës.
