Kjo verë rezervon një sezon shumë të nxehtë edhe sa i përket merkatos së televizioneve. News 24 duket se do të jetë televizioni që do të pësojë ndryshimet më të mëdha.
Ky televizion i konsideruar deri më tani si televizioni më i madh informativ 24 orë në vend pritet që të pësojë një ndryshim në politikën redaksionale dhe ky ndryshim marzhi do i besohet Sokol Ballës. Gazetari dhe moderatori i njohur pritet të largohet shumë shpejt nga Vizion plus bashkë me emisionin e tij, Real Story, pasi nuk ka gjetur bashkëpunimin e duhur nga pronarët për një projekt ambicioz.
Te News 24, Balla përveç emisionit të tij do të marrë në dorëzim edhe lajmet, duke u bërë drejtori i Informacionit të këtij kanali.
Me këtë ndryshim News 24 pritet të ndryshojë edhe politikën redaksionale, duke qenë pak më i butë me qeverinë se sa çka bërë në 3 vitet e fundit.
