Aksidentet rrugorë tani në verë janë të shumta dhe më i fundit ndodhi në rreth rrotullimin e TEG-ut, me pasojë një viktimë.
Por sot ka ndodhur një aksident disi i çuditshëm, pasi dy makina janë përplasur pikërisht pas krahëve të drejtorit të Përgjithshëm i Policisë Rrugore, Mitat Tola.
Ky i fundit teka jepte një intervistë për gazetarët, në rrugë, në autostradën Tiranë-Durrës, pas krahëve të tij, ndodhi një aksident rrugor.
Për fat të mirë aksidenti ishte vetëm me dëme të vogla materiale dhe të gjithë udhëtarët morën vetëm disa gërvishtje të lehtë.
Aksidenti erdhi si shkak i mos respektimit të distancës së sigurisë mes makinave në autostradë.
Vetë drejtori i Policisë Rrugore i bëri apel drejtuesve të automjeteve që të tregohen të kujdesshëm ndërsa janë në timon, të respektojnë sinjalistikën rrugore, të respektojnë shpejtësinë, dhe veçanërisht edhe distancën mes automjeteve, që u bë shkak për aksidentin e sapondodhur.
