Gjykata refuzoi ti japë mandatin kryebashkiakes së Durrësit, PS bën lëvizjen e papritur

Pas vendimit të djeshëm të Gjykatës së Durrësit për të mos konfirmuar mandatin e kandidates së PS për kryebashkiake Valbona Sako, Partia Socialiste ka ndërmarrë një tjetër hap.

Ditën e sotme selia rozë i ka bërë kërkesë Gjykatës së Durrësit për ta njohur mandatin e Valbona Sakos.

Seanca për rishqyrtim po zhvillohet në Gjykatën e Durrësit me gjyqtar Shpëtim Reka.

Valbona Sako ndërkaq është shprehur se mandati i saj është i ligjshëm duke i kërkuar kështu Gjykatës ta njohë.

“Të hënën do ta apeloj vendimin në Gjykatën e Apelit Durrës, për të kërkuar të drejtën time që kam arritur me mund”, u shpreh ajo.

Një ditë më parë Gjykata e argumentoi vendimin duke u shprehur se Partia Bindja Demokratike ishte regjistruar jashtë afatit zyrtar, duke i shpallur garën të pavlefshme.