Në këtë seancë të fundit parlamentare për këtë, deputetët kanë miratuar dy koncesione përr rrugët që ndryshe kanë filluar të quhen si dy rrugët e florinjta të Shqipërisë.
Bëhet fjalë për Milot-Balldre, koncesioni i së cilës u miratua me 79 vota pro dhe 29 kundër dhe ai i rrugës Orikum-Dukat me 73 vota pro dhe 23 kundër.
Në total këto dy koncesione do t’i kushtojnë buxhetit të shtetit rreth 328 milionë euro. Opozita i ka denoncuar në vijimësi këto koncesione, veçanërisht atë Milot-Balldre, duke theksuar se jepen për njerëz të afërt të kryeministrit Edi Rama dhe më çmime disa fish më të larta se tregu.
Sot gjithashtu Kuvendi ka miratuar gjithashtu ligjin për statusin e gjyqtarëve dhe ndryshimet në Kodin Penal, ku ashpërsohen gjobat dhe dënimet për dhunën në stadiume dhe dhunimet për shkak të detyrës.
