Lëvizje të bujshme në të vetmin televizion kundër qeverisë, Fuga takohet me pronarin e News 24

Televizioni “News 24” do të pësojë ndryshime revolucionare pasi tashmë drejtimin e tij do ta marrë gazetari Sokol Balla.

Burime për CNA.al u shprehën se media e biznesmenit Irfan Hysenbelliu do të ketë edhe zhvillime të tjera në strukturën e tij pasi pritet të konfirmojë zërat e largimit të Ylli Rakipit, me emisionin Të Paekspozuarit.

“Gjithçka ka ndodhur pas disa problemeve të forta ekonomike të biznesmenit Hysenbelliu. Gjithashtu, në qarqet mediatike flitet edhe për një takim të Endri Fugës me Hysenbelliun, dhe një pazar me kryeministrin Edi Rama për të bërë të mundur kontrollin e këtij televizioni, i cili kohët e fundit ka qenë një nga zërat më të fortë dhe më të ashpër kundër qeverisë, me dy emisionet goditëse, si “A Show”, nga Adi Krasta dhe “Të Paekspozuarit” e Ylli Rakipit, me Fatos Lubonjën dhe Andi Bushatin,”– shkruan CNA më tej.

Gjithashtu mësohet se gazetari Sokol Balla ka njoftuar miqtë e ngushtë për largimin e tij nga Vizion Plus, dhe kalimin në televizionin e “News24”.

Vitin e shkuar, Balla mori drejtimin e Vizion Plus pasi u largua nga Top Channel.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern