LIGJET E BIZNESIT
Ashtu siç kishte paralajmëruar Partia Demokratike, përmes shoqatës së bashkive është ankimuar në Gjykatën Kushtetuese procesi zgjedhor i 30 qershorit. Ishte kryetarja e kësaj shoqate, Voltana Ademi, e cila depozitoi kërkesën në Gjykatë për t’i shpallur këto zgjedhje si të jashtëligjshëm dhe rrjedhshmërisht pavlefshmërinë e atyre mandateve.
“Jemi këtu duke iu referuar asaj që është e drejtë kushtetuese dhe publike në interes të qytetarëve. Dekreti duhet të merrej në konsideratë, shpresoj që në momentin e parë që të jetë në punë të nis gjykimin e një çështje me rëndësi. Ne shpresojmë që Rama të mos pengojë ngritjen e gjykatës dhe të marrë sa më shpejt çështjen në gjykim.” -u shpreh Ademi.
Duke iu përgjigjur interesit të medias lidhur me veprimet që do të ndjekin kryebashkiakët e djathtë, për lirimin ose jo të zyrave ndaj të zgjedhurve të rinj vendor nga procesi i 30 qershorit, Ademi u përgjigj kështu.
“Ne po veprojmë në mënyrë institucionale. Gjithë kryetarët e bashkive i janë drejtuar institucioneve të drejtësisë, një e drejtë e jonë, për të ndërtuar demokracinë mbi bazën e shtetit. Apeloj që cështjet të hetohen dhe gjykohen në mënyrë të pavarur duke mos iu nënshtruar presionit politik. Kemi gjykata që kanë vepruar në mënyra të ndryshme.” -theksoi Ademi
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
