LIGJET E BIZNESIT
Administrata tatimore ka publikuar të dhënat sesi ka ecur procesi i rivlerësimit të pronave me tatim të ulët 5% deri më tabi. Sipas të dhënave, janë rreth 140 milionë euro të kursyera nga individët, që kanë aplikuar për të përfituar nga ky proces për 6 muajt e parë të vitit.
Sipas tatimeve kjo është lehtësi konkrete fiskale që ul barrën për qytetarët dhe bizneset dhe krijon përfitim të drejtpërdrejtë për tatimpaguesit.
Nga procesi i rivlerësimit mund të përfitojnë si ata individë që kërkojnë të shesin një pasuri të paluajtshme, por edhe ata që pronat i kanë regjistruar me vlerë më të ulët se tregu.
Në të dyja rastet, tatimi i llogaritur (nga diferenca e vlerës së mëparshme të regjistruar të pronës dhe vlerës së re të shitjes apo tregut, tatimi që do të paguhet do të jetë 5% nga 15% që aplikohet në periudha të zakonshme.
Sipas administratës tatimore afati për kryerjen e rivlerësimit përfundon më 31 Dhjetor 2026.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Procesi i rivlerësimit nisi zbatimin në muajin shkurt 2026.
Në mënyrë të përsëritshme tatimet publikojnë të dhënat për shumat e kursyera nga individët që aplikojnë për rivlerësimin me tatim 5%. Deri në 6 gusht vlera e kursyer ishte 120.5 mln euro.
