Veliaj kujtohet për Bulevardin “Zogu i Parë”: Fillon rikonstruksioni shumë shpejt

I harruar dhe i mbytur nga balta prej disa vitesh, duke se më në fund i erdhi radha edhe bulevardin “Zogu i parë” që të rikonstruktohet.

Lajmin e dha vetë kryebashkiaku, që pasi nuk gjeti kohë në 4 vitet e para për të vënë dorë në këtë aks, ka premtuar sot se shumë shpejt do të fillojë puna për ta rehabilituar.

Këtë premtim kryebashkiaku i Tiranës e ka bërë nga nisja e punimeve për shkollën e re “Jeronim De Rada”, në Njësinë Nr 9 në kryeqytet, ku bëri të ditur se do të nisë puna edhe për rikonstruksionin e fasadave në të dy anët e bulevardit.

“Lajmi i mirë për Njësinë nr. 9 është që ne do të fillojmë në pak ditë të gjithë rikonstruksionin e Bulevardit “Zogu I”. Do të bëhet jo vetëm nëntoka, por do të bëhet të gjitha fasadat, të gjitha piacat e vogla, kështu që besoj janë fatlumë ata që jetojnë mes “Zogu I” dhe rrugës “Fortuzi”, me një bulevard të ri, dhe me një shkollë të re”, deklaroi Veliaj.