LIGJET E BIZNESIT
“Sektori energjetik shqiptar ka hyrë në fazë të re përcaktuar jo vetëm nga potenciali por nga besueshmëria, pjekurinë dhe rezultatet. Shqipëria qëndron si një destinacion për investime të qëndrueshme dhe fitimprurëse”.
Kështu u shpreh ministri i Infrastrukturës dhe Energjisë Enea Karakaçi, më fjalën e tij në edicionin e dytë të MatchMaker Albania, platforma e biznesit që bashkon investitorë, kompani dhe institucione vendase dhe ndërkombëtare, me mbi 1000 pjesëmarrës dhe më shumë se 400 takime të planifikuara.
Ai tha se Shqipëria ka sot një bursë funksionale, si dhe është zhvilluar energjia e ripërtëritshme përmes ankandeve transparente që kanë diversifikuar komunikimin në këtë fushë.
“Sot kemi një bursë të energjisë tërësisht funksionale Alpex. Kemi përshpejtuar zhvillimin e energjisë së ripërtëritshme përmes ankandeve transparente që kanë diversifikuar komunikimin në këtë fushë. Kemi energji diellore, duke ulur varësinë nga energjia hidrike. Kemi një projekt shumë të përparuar për energjinë e erës nga më të mëdhenjtë në Europë. Janë dislokuar edhe panelet diellore”.
Ai theksoi se synimi i Shqipërisë është zgjerimi i kapacitetit të prodhimit dhe eksportimi, ndërsa teknologjia dhe inovacioni janë në themel të kësaj strategjie.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
“Shqipëria po luan rol në rritje në tregjet rajonale. Në synojmë të zgjerojmë kapacitetin e prodhimit që Shqipëria eksportuese neto e energjisë deri në 2030. Teknologjia dhe invovacioni janë në themel të strategjisë sonë energjetike. Matësit smart dhe automatizimi po transformojnë mënyrën si energjia matet e konsumohet. Investimet në energji mbështeten te besimi. Ne po forcojmë sigurinë juridike dhe transparencën ligjore duke thjeshtuar procedurat dhe duke përforcuar garancinë institucionale”.
