LIGJET E BIZNESIT
Bordi i Transparencës ka përcaktuar në mbledhjen e parë të tij cmimet e reja të karburanteve në tregun e shitjes me pakicë. Kjo duke pasur parasysh ecurinë e tregjeve ndërkombëtare të arit të zi. Ministria e Ekonomisë ka dhënë detajet e vendimit që ka marrë Bordi I Transparencës në mbledhjen e zhvilluar pas mesditës.
Çmimet e vendosura nga Bordi i Transparencës
Çmimet e vendosura janë :
Çmimi i shitjes me pakicë i nënproduktit gasoil i standardit SSH EN 590 të jetë jo më shumë se 203 lekë/litri, ndërsa i shitjes me shumicë jo më shumë se 191 lekë/litër.
Çmimi i shitjes me pakicë i nënproduktit benzinë e standardit SSH EN të jetë jo më shumë se 175 lekë/litri,ndërsa i shitjes me shumicë jo më shumë se 163 lekë/litër.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Çmimet e caktuara nga Bordi do të hynë në fuqi sot datë 26 Mars ora 18.30 p.m dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes.
“Bordi i transparencës që në krijimin e tij i është përmbajtur me përpikëmëri në vendimet e tij lëvizjes së bursës Plats të Mesdheut për gazoilin,benzinën, si dhe faturave zyrtare të operatoreve. Theksojmë se Bordi nuk cakton çmimet e naftës Bruto, por të gazoilit, benzinës dhe gazit të lëngshëm sipas standardeve të përcaktuara në Aktin Normativ”, theksohet në njoftimin për shtyp të Ministrisë së Ekonomisë dhe Inovacionit.
