Pas Tiranës, do të jetë Prishtina qyteti tjetër shqiptar që do të presë gjigandët europian të Milanit. Ekipi italian edhe pse nuk është në ditët më të mirë, sërij tërheq vëmendje dhe sidomos në Shqiptari, ku tifozët i ka të shumtë.
Por për të pasur luksin që të shikosh një miqësore ndaj shtatë herë kampionëve të Europës, natyrisht që duhet të paguash një shumë të konsiderueshme. “Gazeta Olle” raporton se për të luajtur këtë miqësore, janë paguar plot 600 mijë euro dhe organizator i kësaj miqësoreje, ka qenë kompania “AS Events”.
Kjo shumë e paguar, ka detyruar drejtuesit e Feronikelit që të vënë çmime të kripura për biletat e ndeshjes dhe të paktë janë tifozët që do të blejnë një të tillë. Milani do të luante sezonin e ardhshëm në Ligën e Europës, por UEFA vendosi ta përjashtonte për shkak të shkeljes së rregullave të “Fair Play” financiar.
