Ndryshon gjeografia e tregtisë. Bien shkëmbimet me Italinë, rriten me Kinën

Shqipëria po ndryshon gjeografinë e shkëmbimeve tregtare. Të dhënat e fundit të Institutit të Statistikave tregojnë se për 8 muajt e parë të këtij viti, Shqipëria ka pasur rritje të eksporteve me Kosovën (75,0 %), Greqinë (10,4 %) dhe Gjermaninë (6,0 %). Ndërsa vendet me të cilat eksportet kanë pasur uljen më të madhe, janë: Italia (10,8 %), Kina (5,8 %), dhe Maqedonia e Veriut (30,9 %).

Përsa I përket importeve, Shqipëria ka pasur uljen më të madhe të importeve, në krahasim me një vit më parë, janë: Italia (4,3 %), Turqia (15.0 %) dhe Gjermania (7,0 %). Ndërsa vendet me të cilat importet kanë pasur rritje më të madhe janë: Kina (21,3 %), Greqia (3,1 %) dhe Spanja (14.0 %).

Sipas INSTAT, partnerët kryesorë tregtarë janë: Italia (18,8 %), Kina (12,9 %), Kosova (8,6 %) Turqia (7,6 %). Shkëmbimet tregtare, për tetëmujorin e parë 2025, me vendet e BE-së zënë 55,8 % të gjithë tregtisë.