LIGJET E BIZNESIT
Shqipëria është vlerësuar me cmim në një nga ngjarjet më prestigjioze globale të teknologjisë dhe inovacionit, në ceremoninë e ndarjes së çmimeve “ËSIS Prizes 2025”, që po zhvillohet këto dy ditë në Gjenevë të Zvicrës. Vlerësimi është bërë për projektin “Harmonizimi i Legjislacionit Shqiptar me Acquis të BE-së” i mundësuar nga inteligjenca artificiale.
Bëhet fjalë për përdorimin e Inteligjencës Artificiale në pëkthimin e të gjitha ligjeve që duhen në kuadër të integrimit të Shqipërisë në Bashkimin Europian. Drejtoresha e Përgjithshme e AKSHI-t, znj. Mirlinda Karçanaj, tërhoqi çmimin në emër të Shqipërisë. Ajo shpjegoi se projekti fitues nisi nga vullneti i Kryeministrit për të përshpejtuar procesin e integrimit të Shqipërisë në BE, sot është konkretizuar në këtë modul inovativ që bën të mundur: përkthimin me saktësi mbi 95% dhe përafrimin me AI të legjislacionit kombëtar me atë evropian; krahasimin me AI për mbivendosje apo kontradikta të akteve në proces përafrimi dhe krijimin automatik të tabelave të përputhshmërisë. Çka më parë kërkonte muaj të tërë pune manuale, sot realizohet për pak minuta.
“Modeli i inteligjencës artificiale që mori këtë vlerësim është ideuar që në krye të herës nga Kryeministri Edi Rama, me një qëllim të qartë: përshpejtimin e procesit të integrimit të Shqipërisë në Bashkimin Evropian. Përkthimi i legjislacionit që realizohet me saktësi mbi 95% dhe krijimi automatik i tabelave të përputhshmërisë kanë reduktuar ndjeshëm kohën dhe punën e strukturave tona të integrimit.
Ajo që më parë kërkonte muaj pune, tani realizohet shumë shpejt, në vetëm pak minuta, me shumë saktësi, me shumë integritet. Ky është një shembull konkret se si inovacioni dhe vizioni na ndihmojnë të jemi më pranë Bashkimit Evropian. Faleminderit për këtë vlerësim”, ka deklaruar Karçanaj.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
