6 mijë vende të lira pune, ja sektorët që kërkojnë punonjës

Teksa sezoni turistik është në kulmin e tij, mungesa e fuqisë punëtore konsiderohet një ndër problemet krysore. Burime zyrtare nga Agjencia Kombëtare e Puënsimit dhe Aftësive bëjnë të ditur se aktualisht janë 6 mijë vende të lira pune. Biznese të sektorëve të ndryshëm i janë drejtuar këtij institucioni për të plotësuar vendet vakandë në stafin e tyre.

Drejtuesit e AKPA shpjegojnë se nëse më përpara vendet më të shumta të lira ishin në industrinë përpunuese, tani ka një ndryshim të trendit, ku ka shumë vende të lira puna në fushën e teknologjisë së informacionit, hoteleri-turizëm, në fushën e ndërtimit.

Në asnjë sektor ky boshllëk nuk ndihet më fort se në turizëm. Në kulmin e sezonit, hotelet kërkojnë recepsionistë, restorantet ë, kuzhinat ndihmës, plazhet roje dhe guidat turistike rrëfimtarë të zonës. Janë qindra biznese që përballen me sfidën më të re: turistët vijnë, por stafi mungon.

Në disa zona turistike, punonjësit e huaj janë bërë pjesë e pandashme e stafit, por kjo zgjidhje është si një fluturim me ulje të vështirë – afatshkurtër dhe me rreziqe për stabilitetin e sektorit. Në mungesë të investimeve në trajnim dhe zhvillim të fuqisë punëtore vendase, kjo varësi ndaj të huajve mund të mbetet e përkohshme dhe jo e qëndrueshme.