Ronaldo “vishet me ar”! Kontrata e çmendur me Al Nasr, 550,000 euro paga ditore, aksione e avion privat

Cristiano Ronaldo flirtoi me idenë e një fillimi të ri, por në fund i tha “PO-në” e madhe qëndrimit të tij te Al Nasr.

Dhe siç duket, ai kishte të gjitha arsyet për ta bërë këtë duke nënshkruar një kontratë të re. Jo vetëm që nuk iu kërkua të bënte… zbritje, por përkundrazi ai vazhdon të jetë atleti më i paguar në planet, duke konfirmuar se për disa, vitet thjesht rrisin vlerën.

Paga që… të lë pa frymë

Sipas RMC franceze, Cristiano Ronaldo do të vazhdojë të marrë 200 milionë euro në vit vetëm për detyrat e tij futbollistike, pasi ai merr 60 milionë euro shtesë nga klubi për të drejtat e tij komerciale. Kjo shumë arrin në 16.7 milionë euro në muaj dhe rreth 550 mijë euro në ditë. Ai gjithashtu mori një bonus nënshkrimi prej 30 milionë eurosh.

Një fenomen unik në sportin botëror

Ronaldo mbetet i pakrahasueshëm në aspektet financiare të sportit.

Asnjë atlet aktiv në botë nuk i afrohet të ardhurave të tij. Lionel Messi, për shembull, ka të ardhura vjetore te Inter Miami që i kalojnë vetëm 17.6 milionë euro, domethënë pak më shumë se paga mujore e Ronaldos.

Edhe lojtarët më të paguar të NBA-së nuk e arrijnë nivelin e tij. Steph Curry, me rreth 140 milionë dollarë në vit, është shumë prapa portugezit, ndërsa Tyson Fury, me 130 milionë dollarë, nuk e kërcënon supremacinë e tij financiare.

Jo vetëm GOAT… por edhe mbreti i cash-it

Nëse titulli GOAT (më i madhi i të gjitha kohërave) është përçarës, një gjë është e sigurt: për sa i përket kontratave, Ronaldo është kampioni absolut. Dhe kjo marrëveshje me Al Nasr e vendos atë, jo vetëm si një legjendë futbolli, por edhe si markën më komerciale dhe me ndikim në sportet globale.

Megjithatë, çështja nuk mbaron me kaq. Kontrata e re e Cristiano Ronaldos është edhe më e çmendur.

Konkretisht, sipas Sun, nënshkrimi i CR7 i siguroi atij fitime si më poshtë:

-15% të aksioneve të Al Nasr

-30 milionë euro bonus nënshkrimi (45 nëse qëndron deri në vitin 2027)

-Bonus prej 90,000 eurosh për çdo gol

-Bonus prej 50,000 eurosh për çdo asist

-Bonus prej 10 milionë eurosh për fitimin e kampionatit

-Bonus prej 6 milionë eurosh për fitimin e Këpucës së Artë në Ligën Profesioniste Saudite

-Bonus prej 8 milionë eurosh për fitimin e Ligës së Kampionëve Aziatikë

-Shpenzime 5.5 milionë euro për avionin e tij privat

-16 anëtarë të stafit në vilë (përfshirë tre shoferë, katër shërbëtore, dy kuzhinierë, tre kopshtarë dhe katër roje sigurie).